USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Almaniya Azərbaycana biznes-missiya göndərəcək
Almaniyanın Xarici İqtisadi Fəaliyyətə Dəstək üzrə Dövlət Agentliyi NRW.Global Business Azərbaycan və Qazaxıstana biznes-missiya təşkil edəcək.
Agentliyin yaydığı məlumata görə, biznes-missiya 29 iyun–3 iyul tarixlərində baş tutacaq. Səfərin əsas məqsədi Orta Dəhlizin – Trans-Xəzər Beynəlxalq Nəqliyyat Marşrutunun dinamik inkişafı fonunda əməkdaşlıq imkanlarını genişləndirməkdir.
Bildirilib ki, Avropa ilə Asiyanı birləşdirən bu strateji ticarət yolunun logistika və infrastruktur sahəsində əhəmiyyəti sürətlə artır. Son illərdə marşrut üzrə yük axını bir neçə dəfə artıb və proqnozlara görə, 2030-cu ilə qədər daha da yüksələcək.
Məlumatda qeyd olunur ki, bu istiqamətdə təxminən 20 milyard avro həcmində kapital qoyuluşuna ehtiyacın gözlənilməsi Şimali Reyn-Vestfaliya regionunun şirkətləri üçün yeni biznes imkanları yaradır.
Biznes-missiya çərçivəsində Azərbaycanla iqtisadi əməkdaşlığın genişləndirilməsi, logistika, infrastruktur və ticarət sahələrində yeni tərəfdaşlıqların qurulması nəzərdə tutulur.
