USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Prezident İlham Əliyev Oljas Süleymenovu 90 illik yubileyi münasibətilə təbrik edib
İlham Əliyev Qazaxıstanın Xalq yazıçısı Oljas Süleymenova 90 illik yubileyi münasibətilə təbrik məktubu ünvanlayıb.
Təbrik məktubunda dövlət başçısı Süleymenovu müasir ədəbi fikrin görkəmli nümayəndəsi və tanınmış ictimai xadim kimi dəyərləndirib, ona möhkəm cansağlığı və fəaliyyətində uğurlar arzulayıb.
Prezident qeyd edib ki, Oljas Süleymenov böyük şair, publisist, ədəbiyyatşünas və tədqiqatçı kimi türk dünyasının parlaq simalarındandır. Onun yaradıcılığının milli dəyərlərə bağlılığı və geniş oxucu auditoriyası tərəfindən sevilməsi xüsusi vurğulanıb.
Məktubda həmçinin Süleymenovun ötən əsrin 80-ci illərindən etibarən ictimai-siyasi fəaliyyəti xatırladılıb, Azərbaycanın mövqeyinə verdiyi dəstəyin yüksək qiymətləndirildiyi bildirilib.
İlham Əliyev qeyd edib ki, yazıçının türk xalqları arasında həmrəyliyin möhkəmləndirilməsi və humanitar əlaqələrin inkişafına töhfələri xüsusi əhəmiyyət daşıyır və onun zəngin irsi gələcək nəsillər üçün də önəmli olacaq.
