Son günlər Xarici İşlər Nazirliyi üzərindən “qara buludlar” çəkilmir.

Əvvəl Dövlət Təhlükəsizlik Xidmətinin əməkdaşları bu qurumda korrupsiyaya qarşı əməliyyat keçirdi. Ardınca isə dövlət başçısı Xarici İşlər naziri Elmar Məmmədyarovu sərt şəkildə tənqiq etdi.

Artıq bir müddətdir ki, mediada, sosial şəbəkədə Elmar Məmmədyarovun istefaya göndəriləcəyi deyilir.

Qeyd edək ki, Xarici İşlər Nazirliyi dövlətin xarici siyasətini həyata keçirən orqan kimi mühüm əhəmiyyətə malik bir qurumdur. 1991-ci ilin 18 oktaybrında Azərbaycan öz müstəqilliyini elan edib.

1991-ci ilin 18 oktaybrdan 29 maya qədər ölkənin xarici siyasətinə Hüseynağa Sadıqov rəhbərlik edib. Bu, həm də müstəqil Azərbaycanın ilk Xarici İşlər naziri hesab edilir.

Qeyd edək ki, Azərbaycan Respublikasının dövlət müstəqilliyi haqqında Konstitusiya Aktı - Azərbaycan Ali Sovetində aparılan müzakirələrdən sonra 18 oktyabr 1991-ci ildə qəbul edilib. 1991-ci il dekabrın 29-da ümumxalq referendumunda məsələ müzakirəyə çıxarılıb və əhalinin 95%-i səsvermədə iştirak edərək ölkənin müstəqilliyinə və suverenliyinə səs verib.

4 iyul 1992 - 26 iyun 1993-cu ilə qədər isə ölkənin xarici siyasəti Tofiq Qasımova tapşırılıb. Tofiq Qasımovun sələfi isə Həsən Həsənov olub. Həsən Həsənov 2 sentyabr 1993 - 16 fevral 1998 aralığında xarici siyasət idarəsinə rəhbərlik edirb.

Həsən Həsənovu isə bu postda Tofiq Zülfüqarov əvəzləyib. Tofiq Zülfüqarov da qısa müddət ərzində, 5 mart 1998-ci ildən 26 oktyabr 1999-cu ilə qədər XİN rəhbəri olub.

Tofiq Zülfüqarovdan sonra isə Azərbaycanın xarici siyasəti Vilayət Quliyevə həvalə olunub. Vilayət Quliyev 5 ilə yaxın, 26 oktyabr 1999 - 7 aprel 2004-cü illərdə xarici siyasətə rəhbərlik edib.

Vilayət Quliyevi isə müstəqillik tarixinin ən uzunmüddətli Xarici İşlər naziri olan Elmar Məmmədyarov əvəzləyib. Elmar Məmmədyarov 7 aprel 2004-dən etibarən ölkənin xarici siyasətinə rəhbərlik.

Amma XİN-lə yaşanan yaşanan son hadisələr Elmar Məmmədyarovun zamanının çatdığını göstərir. İddia olunur ki, qısa zamanda XİN-də zirvə dəyişikliyi gerçəkləşəcək.