Ermənistan Kəlbəcər istiqamətində atəşkəsi pozdu, dünəndən etibarən Şuşa istiqamətdə təxribat atəşi edilir.

Erməni mənbələr bu günün ikinci yarısında Şuşa istiqamətində atəş səslərinin eşidildiyini yazırlar. Qarabağdakı separatçılar isə iddia edir ki, Azərbaycan Şuşadan Xankəndinə doğru atəş açıb.

Bu iddiada ermənilərin də, rusların da marağı var.

- Ermənilər “Azərbaycanı hücum edən tərəf” kimi göstərir və sülhməramlılara şikayət üçün əsas yaradır;

- Ruslar atəşin açılması ilə bağlı Azərbaycan tərəfinin müraciətinə baxmaqla yanaşı, ermənilərin də eyni motivli müraciətini qəbul edir və bununla separatçıları Qarabağda tərəf kimi təqdim edir: Moskvanın niyyətini anlamaq üçün Rusiya Müdafiə Nazirliyinin yaydığı məlumatlara baxmaq kifayətdir;

Lakin baş verənlərin Bakının əlini gücləndirən tərəfləri də var:

1. Qarabağdakı separatçılar, qanunsuz erməni silahlı dəstələri qalıcı olmadıqlarını anlamalıdır;

2. Rusiya sülhməramlılarının təhlükəsizliyi təmin edə bilmədiyi reallığı sübut olunur və bu, Türkiyənin sülhməramlı kontingentində fəaliyyətinin genişlənməsini, ən azı Rusiya-Türkiyə Birgə Monitorinq Mərkəzinin aktivləşməsini aktuallaşdırır;

3. 10 noyabr bəyanatının 4-cü bəndinin – erməni qoşunların bölgədən çıxarılması – icrası gündəmə gəlir;

Asif Nərimanlı