Azərbaycan Respublikasının
Prezidenti cənab İlham Əliyevə
Gürcüstan Parlamentinin sabiq deputatı
Azər Suleymanov tərəfindən

Təbrik məktubu

Zati-aliləri, möhtərəm İlham Heydər oğlu!

Sizi doğum gününüz – 60 illik yubileyiniz münasibətilə sidq ürəkdən təbrik etmək, səmimi arzularımı çatdırmaq, xoşbəxtlik və Azərbaycan xalqı naminə yorulmadan atdığınız hər addımda yeni uğurlar diləyirəm. Göstərdiyiniz əmək sayəsində Azərbaycan Respublikasının sosial-iqtisadi sferada, dövlət quruculuğunda və beynəlxalq aləmdə qazandığı uğurlarında şəksiz Sizin böyük imzanız var. İlbəil Azərbaycanın dünya miqyasında sanballı artmaqda davam edir.
Biz Gürcüstanda yaşayan yüzminlərlə azərbaycanlı Sizin buradakı Soydaşlarımıza qarşı daima xüsusi diqqət göstərməyinizdən məmnunluq yaşamışıq. Gürcüstan ilə Azərbaycan həm qonşu, həm də iki qardaş dövlətdir. Ölkələrimizin strateji tərəfdaşlığı son illərdə bir-birinə təmənnasız hərtərəfli dəstəyi, ən çətin gündə qardaşyana sadiqliyi düüşünürəm ki, dövlətlərimizarası münasibətlərin böyük dostluğa, hörmətə və qarşılıqlı inama söykəndiyinin bariz göstəricisidir.

Hörmətli cənab Prezident!
Böyük Ulu Öndərin layiqli davamçısı olaraq 60 illik yubileyinizə müdrik addımlarla, Böyük Zəfərlə qədəm qoymağınız, Sizin hərbi-strateji-taktiki ustalığınızın sayəsində baş verdi. 30 ildən sonra Qarabağımızın işğaldan azad olunmasının, torpaqların antiterror əməliyyatı ilə geri qaytarılmasının və Zəfərlə başa çatmasının birbaşa, şəriksiz müəllifi Ali Baş Komandan kimi Siz və əmrlərinizi səhvsiz yerinə yetirən Azərbaycan Əsgəridir.

Ümummilli Lider Heydər Əliyevə xas olan böyük fədakarlıq, geniş təfəkkür, yüksək siyasi peşəkarlıq Azərbaycan Respublikasının qarşısında duran mürəkkəb məsələlərin həll yolunda geriyədönməz addımlar atmaqda eyni əqidəyə sadiq qalıb, bu yolu uğurla davam etdirməyiniz bizlərə böyük, qürurverici hislər yaşadır. Azərbaycan dövlətçiliyini möhkəmləndirmək, siyasi və iqtisadi inkişafda mühüm uğurlar qazanmaq, daima islahatlar və dəyişikliklər, beynəlxalq aləmdə Azərbaycanın nüfuzu uğurunda mübarizə aparmaq Sizin qətiyyətli həyat prinsipinizdir.

Arzu edirəm ki, bu prinsiplərinizin reallaşması yolunda Allah daima yolunuzu açıq etsin. Həyatınızın bu əlamətdar yubileyi ərəfəsində Sizə möhkəm cansağlığı, ailə səadəti və firavanlıq, Azərbaycan xalqının naminə dövləti fəaliyyətinizdə uğurlar və sarsılmaz iradə arzulayıram.

Hörmətlə:
Azər Suleymanov,
Gürcüstan Parlamentinin sabiq deputatı