Bakıda həbsxanada məhkum ölüb.

Foto.info.az, Lent.az-a istinadən xəbər verir ki, hadisə Penitensiar Xidmətin cəzaçəkmə müəssisələrindən birində qeydə alınıb.

Məhkum Gülağa Lətifov cəza çəkdiyi müəssisədə ölüb. Məlumata görə, onun xəstəlikdən öldüyü bildirilir.

Qeyd edək ki, Gülağa Lətifov Sabunçu Rayon Polis İdarəsinin 12-ci Polis Bölməsi rəisinin müavinini və dörd nəfəri güllələməkdə təqsirli bilinərək həbs edilmişdi.

Məlum hadisə 2014-cü ildə paytaxtın Sabunçu rayonu, Sabunçu qəsəbəsində qeydə alınıb. Gülağa Lətifov qonşuları dörd nəfər olan Akif Nəzərovu, onun oğlu Asif Nəzərovu eləcə də, Fərid Qədirovu və Yusif Paşayevi güllələyib. Hadisə zamanı Fərid Qədirov hadisə yerində ölmüş, digərləri isə xəstəxanaya yerləşdirilmişdi.

Güllələnən Akif Nəzərov həmin dövrdə Suraxanı Rayon Polis İdarəsinin əməliyyat işləri üzrə rəis müavini olub. İnsident zamanı xəsarət alan, rəis müavininin oğlu Asif Nəzərov həmin dövrdə Sabunçu Rayon Polis İdarəsinin 12-ci Polis Bölməsində çalışıb.