Redaksiyamız “Bakı Kartın” rəhbəri Orxan Bayramovun içdən çıxarılmasına dair məlumat vermişdir. Bununla əlaqədar olaraq “Bakı Kart” rəhbərliyi mediaya müraciət edib.

Müraciətdə deyilir:

“Hörmətli redaksiya heyəti,
14 avqust 2024-cü il tarixində redaksiyanın veb-saytında və digər sosial media platformalarında "Bakı Kartın rəhbəri işdən çıxarılıb/ Orxan Bayramov işdən çıxarıldı" başlığı altında məlumat paylaşılmışdır. Həmin məlumat dəyişikliyin cari vaxtda həyata keçirildiyi və Orxan Bayramovun işdən çıxarıldığı təəssuratını yaratmışdır.

Paylaşılan məlumatla əlaqədar bildiririk ki, Orxan Bayramov "K Group" MMC-nin direktoru vəzifəsindən öz xahişi ilə 27 may 2024-cü il tarixindən ayrılmış, Məmməd Allahverdiyev isə direktor vəzifəsinə 28 may 2024-cü il tarixindən təyin olunmuşdur.

Yanlış təsəvvürlərin və işgüzar nüfuza zərər vura biləcək əsassız məlumatların yayılmasının qarşısını almaq məqsədi ilə sözügedən xəbərlə bağlı bu dəqiqləşdirilmiş təkzib məlumatını paylaşmağınızı xahiş edirik.

Anlayışınız üçün təşəkkür edirik.”


Hörmətlə,

Fərid Məhərrəmov

Hüquq şöbəsinin müdiri
logonew
imageTbilisi pr. 49/C, AZ1065, Bakı, Azərbaycan
image(+994 12) 404 14 20
[email protected]
www.bakikart.az

Yalnış məlumata görə oxuculardan və “Bakı Kart” -dan üzr istəyirik.