Türkiyə 2023-cü il fevralın 6-da ölkənin cənub-şərqində baş vermiş dağıdıcı zəlzələlərin qurbanlarını yad edib. Ölkə sakinləri dağıdıcı zəlzələdə həlak olanların xatirəsinə dualar oxuyublar. Türkiyənin müxtəlif bölgələrində anım mərasimləri keçirilib. Məlumatı “Anadolu” verib.

Türkiyənin bir sıra vilayətlərində zəlzələ qurbanlarının xatirəsinə “Sükut yürüşü” keçirilib. Saat 04:17-də 65 saniyə davam edən (Kahramanmaş vilayətində ilk güclü zəlzələnin müddəti) bir dəqiqəlik sükut elan edilib.

2023-cü il fevralın 6-da Türkiyənin cənub-şərqində maqnitudası yeddi baldan çox olan iki zəlzələ baş verib (yerli vaxtla saat 04.17-də - 7.7 bal və 13.24-də - 7.6 bal). Zəlzələnin episentri Kahramanmaş vilayətində olub. “Əsrin fəlakəti” adlandırılan zəlzələ 11 əyaləti əhatə edib. Kahramanmaraşla yanaşı Hatay, Osmaniye, Adıyaman, Diyarbəkir, Şanlıurfa, Qaziantep, Kilis, Adana, Malatya və Elazığ vilayətlərində də ciddi dağıntı və itkilər qeydə alınıb.

Yeraltı təkanların gücünü qonşu ölkələr, o cümlədən Suriya, Livan, Şimali Kipr Türk Respublikası (ŞKTC), Yunan Kipri və İraq da hiss edib.

Zəlzələlər nəticəsində ölənlərin sayı 53 537 nəfər olub, daha 107 213 nəfər yaralanıb.