USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
“Təmiz hava” aylığı başlayır – Sürücülərin nəzərinə
Ekologiya və Təbii Sərvətlər Nazirliyinin Dövlət Ekoloji Təhlükəsizlik Xidməti və Daxili İşlər Nazirliyinin Baş Dövlət Yol Polisi İdarəsi mayın 10-dan iyunun 10-dək ölkə ərazisində “Təmiz hava” aylığı çərçivəsində birgə nəzarət tədbirlərinə başlayır.
Nazirliyin Mətbuat Xidmətindən verilən məlumata görə, bu tədbirin məqsədi nəqliyyat vasitələrinin atmosfer havasını çirkləndirmə səviyyəsinin müəyyən olunması, normadan artıq çirkləndirici maddələr buraxan avtomobillərin aşkarlanaraq istismarının məhdudlaşdırılması, eləcə də atmosfer havasının mühafizəsi ilə bağlı qanunvericiliyin icrasına nəzarətin gücləndirilməsidir.
Təşkilatçılar sürücülərə və nəqliyyat vasitələrindən istifadə edən bütün fiziki və hüquqi şəxslərə müraciət edərək, avtonəqliyyat vasitələrinin texniki sazlığını təmin etməyi və ətraf mühitin qorunmasına töhfə verməyi tövsiyə ediblər.
Aksiya dövründə ekoloji və texniki baxışların intensivləşdiriləcəyi bildirilir.
