Bakının qədim Bayırşəhər ərazisində yerləşən, 1887-ci ildə inşa edilmiş tarixi yaşayış binası sökülür. Bu barədə memar Abdul Hüseynov sosial şəbəkədə məlumat paylaşıb.

Onun sözlərinə görə, Lev Tolstoy küçəsi 89 ünvanında yerləşən bina memar Məşədi Mirzə Qafar İsmayılovun layihəsi əsasında tikilib və hələ də tarixi abidələrin dövlət reyestrindən çıxarılmayıb. Bu isə o deməkdir ki, binanın tarixi abidə statusu qüvvədə qalır və onun sökülməsi qanunsuz hesab olunur.

Memar qeyd edib ki, bina artıq iki ildən çoxdur dövlət tərəfindən alınsa da, söküntü barədə məlumatlandırıcı heç bir stend quraşdırılmayıb: “Söküntü işlərini aparan şəxslərin heç birinin hansısa dövlət qurumuna aidiyyəti olduğunu göstərən nişanları və texnikası yoxdur. Bu da prosesin qeyri-rəsmi və şəffaf olmayan şəkildə həyata keçirildiyini göstərir.”

Hüseynov əlavə edib ki, son bir ayda ərazidə aparılan köçürmələr və söküntülər Bayırşəhərin tarixi simasına və burada yaşayan sakinlərin psixoloji durumuna ciddi təsir göstərir. Onun sözlərinə görə, bu prosesin məqsədli şəkildə həyata keçirildiyinə dair narahatlıqlar var.

Memarın son paylaşımında bildirdiyinə görə, hazırda söküntü müvəqqəti olaraq dayandırılıb. Lakin o hesab edir ki, bu, yalnız ictimai qınaqdan yayınmaq üçün atılmış addımdır və söküntü yenidən