USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Gürcüstanın Şengen zonası ilə vizasız rejimi ləğv oluna bilər
Gürcüstan vətəndaşlarının Avropanın Şengen zonası ölkələrinə vizasız səfər rejimi ləğv oluna bilər. Bu barədə Polşanın Baş naziri Donald Tusk iyunun 11-də parlamentdə çıxışı zamanı bildirib.
Baş nazir deyib ki, Avropa Parlamentində Gürcüstan da daxil olmaqla bəzi ölkələr üçün vizasız rejimin ləğvinə dəstək toplayır: “Buna görə məndən inciyəcək gürcülərdən üzr istəyirəm. Amma vizasız rejimdən sui-istifadə hallarını və avtoritar rejimlərə meylli ölkələrdəki vəziyyəti nəzərə alaraq, sərtləşməni dəstəkləyirəm”, – Tusk qeyd edib.
Avropa İttifaqının Gürcüstandakı səfiri Pavel Herçinski də bu ehtimalın real olduğunu təsdiqləyib. O bildirib ki, son bir ildə Aİ ilə Gürcüstan arasında münasibətlər gərginləşib, və Brüsseldə Gürcüstanın hökumət siyasətinə cavab tədbirləri müzakirə olunur.
Qeyd edək ki, Aİ 2017-ci ildə Gürcüstan vətəndaşları üçün Şengen vizasını ləğv etmişdi. Vizasız rejimin dayandırılması üçün Aİ-yə üzv 27 ölkədən azı 15-nin dəstəyi tələb olunur.
Son vaxtlar Gürcüstan hökumətinin “xarici agentlər haqqında” və “LGBT təbliğatı əleyhinə” qanunları qəbul etməsi Aİ ilə münasibətlərin daha da pisləşməsinə səbəb olub. Brüssel artıq diplomatik pasportlu Gürcüstan vətəndaşları üçün vizasız rejimi ləğv edib.
