USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
DİN-dən Kürdəmirdəki hadisələrlə bağlı açıqlama
Daxili İşlər Nazirliyi (DİN) Kürdəmir rayonunun Sığırlı kəndində baş verən hadisələrlə bağlı rəsmi açıqlama yayıb.
Nazirliyin Mətbuat Xidmətindən verilən məlumata görə, bir qrup şəxs yolun intensiv hərəkət olan hissəsində təhlükəli küçə ticarəti ilə məşğul olub. Polis əməkdaşları qanunsuz fəaliyyətin qarşısını alıb.
Bildirilib ki, həmin şəxslərlə profilaktik söhbətlər aparılıb, avtomobil yolunda bu cür hərəkətlərin insan həyatı və sağlamlığı üçün yaratdığı təhlükə onların diqqətinə çatdırılıb.
DİN vurğulayıb ki, respublika əhəmiyyətli avtomobil yollarında küçə ticarəti həm sürücülər, həm də sərnişinlər üçün qəza riskini artırır və yalnız qanunvericiliyə uyğun müəyyən olunmuş yerlərdə həyata keçirilməlidir.
