USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Ağsuda viza və iş vədi ilə vətəndaşları aldadan şəxs həbs edilib
Ağsu Rayon Polis Şöbəsinin əməkdaşları tərəfindən keçirilən əməliyyat tədbirləri nəticəsində dələduzluqla məşğul olan şəxs saxlanılıb. Bu barədə Daxili İşlər Nazirliyinin Mətbuat Xidmətinin Şəki regional qrupu məlumat yayıb.
Bildirilib ki, 28 yaşlı, əvvəllər məhkum olunmuş Əsəd Əsədzadə vətəndaşlara xarici ölkələrə viza düzəldəcəyini və orada işlə təmin edəcəyini vəd edərək onların etibarından sui-istifadə edib və maddi vəsaitlərini dələduzluq yolu ilə ələ keçirib.
Aparılan araşdırmalar zamanı Ə.Əsədzadənin oxşar cinayətləri paytaxt Bakı şəhərində də törətdiyi müəyyən edilib. Faktla bağlı cinayət işi başlanılıb və məhkəmənin qərarı ilə onun barəsində həbs qətimkan tədbiri seçilib.
Hüquq-mühafizə orqanları Əsəd Əsədzadənin əməllərindən zərər çəkmiş digər vətəndaşlara müraciət edərək, bu barədə polisə məlumat vermələrini xahiş edir.
