USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Gürcüstanda “oğru dünyası” ilə əlaqəli 30 nəfər saxlanılıb
Gürcüstan Daxili İşlər Nazirliyi ölkə üzrə keçirilən genişmiqyaslı əməliyyatlar nəticəsində “oğru dünyası” ilə bağlı 30 nəfərin saxlanıldığını açıqlayıb.
Məlumata görə, əməliyyatlar ötən gecə paytaxt Tbilisidə, eləcə də İmereti, Samtsxe-Cavaxeti və Kaxeti bölgələrində həyata keçirilib. Daha iki şəxs barəsində isə qiyabi ittiham irəli sürülüb.
İstintaqla müəyyən olunub ki, saxlanılan şəxslər şəxsi maraqlarını təmin etmək üçün vətəndaşlar arasında yaranmış maliyyə mübahisələrinə müdaxilə edərək onları ölümlə hədələyiblər. Araşdırmalar zamanı xaricdə yaşayan “Çinka” ləqəbli “qanuni oğru” Tengiz Xoperiyanın da bu mübahisələrdə rol aldığı müəyyən edilib.
Əməliyyat çərçivəsində saxlanılanların üzərində və yaşayış yerlərində axtarış aparılarkən odlu silah, hərbi sursat, pul vəsaitləri və xaricdəki “qanuni oğru”larla əlaqəni təsdiqləyən mobil telefonlar müsadirə olunub.
Rəsmi açıqlamada bildirilib ki, təqsirləndirilən şəxsləri 15 ilədək azadlıqdan məhrumetmə cəzası gözləyir.
