USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Sabirabadda 14 yaşlı qızla nişanlanan oğlan da həbs edilib
Sabirabadda 14 yaşlı qızla 20 yaşlı oğlanın nişanlanması ilə bağlı yeni təfərrüatlar üzə çıxıb.
Daxili İşlər Nazirliyinin Mətbuat Xidmətinin Şirvan regional qrupundan verilən məlumata görə, daxil olmuş məlumat əsasında polis əməkdaşları dərhal tədbir görüb. Araşdırmalar zamanı bəyin 20, qızın isə 14 yaşı olduğu müəyyənləşdirilib.
Hər iki tərəfin valideynləri polis şöbəsinə dəvət olunub, onlarla izahedici söhbət aparılaraq bu halın qanunla qadağan olunduğu izah edilib.
Lakin həmin vaxt qızın atası H.Fərzəliyev və bəy E.Məmmədli polisin xidməti fəaliyyətinə mane olaraq səs-küy salıblar. Onlar dəfələrlə nizam-intizama dəvət olunsalar da, hərəkətlərini davam etdirərək ictimai qaydanı pozublar.
Nəticədə hər iki şəxs barəsində İnzibati Xətalar Məcəlləsinin müvafiq maddəsi ilə protokol tərtib olunub və iş məhkəməyə göndərilib. Məhkəmənin qərarı ilə H.Fərzəliyev və E.Məmmədli səkkiz sutka inzibati qaydada həbs olunublar.
