USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Nəsimidə soyğunçuluq edən şəxslər saxlanıldı
Nəsimi rayonunda talama və oğurluq faktları qeydə alınıb. Bu barədə Daxili İşlər Nazirliyinin (DİN) mətbuat xidmətindən məlumat verilib.
Bildirilib ki, naməlum şəxslər paytaxt sakininə qarşı soyğunçuluq edərək pul vəsaitini ələ keçiriblər. Həmçinin, rayon ərazisində yerləşən köşklərin birindən 12 min 160 manat mənimsənilib.
Polis əməkdaşlarının keçirdiyi əməliyyat tədbirləri nəticəsində qeyd olunan cinayətləri törətməkdə şübhəli bilinən, əvvəllər məhkum olunmuş 38 yaşlı M. Mehdiyeva, 22 yaşlı N. Rüstəmov və 20 yaşlı Ə. Məmmədov saxlanılıblar.
Bundan başqa, Nəsimi rayonunda keçirilən digər tədbirlər zamanı vətəndaşın bank kartından 600 manat, eləcə də marketlərin birindən 450 manat dəyərində lotoreya biletləri oğurlamaqda şübhəli bilinən 36 yaşlı E. Pirməmmədov da tutulub.
Faktlarla bağlı araşdırmalar davam etdirilir.
