USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Bəzi taksi sürücüləri sərnişinlərdən əlavə ödəniş tələb edir
Paytaxtda bəzi taksi sürücülərinin proqramın müəyyən etdiyi gedişhaqqı ilə razılaşmayaraq sərnişinlərdən əlavə pul tələb etdiyi bildirilir. Bu hal həm sərnişinlərin narazılığına səbəb olur, həm də taksi şirkətlərinin imicinə mənfi təsir göstərir.
Sosial şəbəkələrdə yayılan paylaşımlardan birində qeyd olunur ki, sürücü proqramın müəyyən etdiyi 12 manat 40 qəpik yerinə 20 manat tələb edib. O, məsafənin çox olduğunu bəhanə gətirərək, sərnişin əlavə ödəniş etmədiyi təqdirdə sifarişi yerinə yetirməyəcəyini bildirib. Rəylərdə istifadəçilər həmin məsafə üçün tələb edilən məbləğin əsassız dərəcədə yüksək olduğunu yazıblar.
Sorğu zamanı paytaxt sakinləri də oxşar hallarla üzləşdiklərini bildiriblər. Bəzi sərnişinlər sürücülərin müxtəlif üsullarla onları sifarişi ləğv etməyə məcbur etdiyini deyiblər.
Nəqliyyat ekspertlərinin fikrincə, belə hallar həm sürücülərin, həm də xidmət göstərən şirkətlərin məsuliyyətindədir. Onlar qeyd edirlər ki, şirkətlər bu cür davranışların qarşısını almaq üçün nəzarət və cəza mexanizmlərini gücləndirməlidirlər.
