USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Xocavənddə silah-sursat satmaq istəyən şəxs saxlanılıb
İşğaldan azad olunan ərazilərdə təhlükəsizliyin təmin edilməsi məqsədilə polis əməkdaşları tərəfindən qanunsuz silah-sursat dövriyyəsinə qarşı tədbirlər davam etdirilir.
Daxili İşlər Nazirliyinin məlumatına görə, Xocavənd rayonunun Güney Xırman kəndində keçirilən əməliyyat zamanı orada müvəqqəti yaşayan və tikinti şirkətlərindən birində çalışan 26 yaşlı Rəşad Salahov şübhəli şəxs qismində saxlanılıb.
Onun yaşadığı evə baxış zamanı iki ədəd “Kalaşnikov” avtomatı, bir “İJ” markalı ov tüfəngi, beş patron darağı və 150 ədəd patron aşkarlanaraq götürülüb.
Araşdırmalar nəticəsində müəyyən olunub ki, R.Salahov odlu silah-sursatı tikinti işləri zamanı tapıb və satış məqsədilə evində gizlədib.
Faktla bağlı Cinayət Məcəlləsinin müvafiq maddəsi ilə cinayət işi başlanıb, istintaq və əməliyyat tədbirləri davam etdirilir.
