USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Mirzoyan: “Ermənistanda azərbaycanlı əsir yoxdur”
Ermənistanın xarici işlər naziri Ararat Mirzoyan ATƏT-in fəaliyyətdə olan sədri, Finlandiyanın xarici işlər naziri Elina Valtonen ilə birgə mətbuat konfransında Azərbaycanda saxlanılan erməni məhbusların tezliklə azad ediləcəyinə ümid etdiyini bildirib.
Mirzoyan qeyd edib ki, Ermənistanla Azərbaycan arasında münasibətlərin normallaşması prosesi davam etsə də, həll olunmamış məsələlər qalmaqdadır:
“Ermənistan ərazisində azərbaycanlı əsir yoxdur. İş gündəlik həyata keçirilir. Bu, həmişə gözə dəymir və tez nəticə vermir, lakin səylərimizi dayandırmırıq. Ümid edirəm ki, tezliklə müsbət xəbərlərimiz olacaq.”
Nazir həmçinin azərbaycanlı həmkarları ilə bu yaxınlarda Şarm əl-Şeyxdə məhbuslar məsələsi ilə bağlı müzakirələr apardığını bildirib. Mirzoyan Beynəlxalq Qızıl Xaç Komitəsinin fəaliyyətinin dayandırılması fonunda üçüncü ölkələrin iştirakının vacibliyini vurğulayıb:
“Bu boşluğu doldurmaq lazımdır. Biz üçüncü ölkələrlə əməkdaşlığı istisna etmirik, lakin Azərbaycan tərəfi ilə birbaşa formatda əsas əlaqələrimizi davam etdiririk.”
