USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Sumqayıt və Ucarda oğurluqlar edən dəstə saxlanılıb
Ucar Rayon Polis Şöbəsinin əməkdaşları rayon ərazisində keçirilən əməliyyat tədbirləri nəticəsində bir neçə evdən oğurluq edən dəstə üzvlərini saxlayıblar.
DİN-in Mətbuat Xidmətinin Şirvan regional qrupunun məlumatına görə, oğurluqda Zahir Rəhimov, İlqar Səfərov, Bayram Təhməzov, Cövlan Kərimov və bir qadın şübhəli bilinərək tutulub.
Araşdırmalar nəticəsində məlum olub ki, onlar iki evdən ümumilikdə 13 000 manat və müxtəlif zinət əşyaları oğurlayaraq aralarında bölüblər.
Bundan başqa, həmin şəxslərin Sumqayıt şəhərində yerləşən iki mənzildən də oğurluq etdikləri müəyyən olunub.
Faktla bağlı cinayət işi başlanılıb, istintaq tədbirləri davam edir.
