USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Ölkəyə narkotik gətirən “TIR” sürücüsü həbs edildi
Daxili İşlər Nazirliyinin Baş Narkotiklərlə Mübarizə İdarəsi tərəfindən həyata keçirilən növbəti əməliyyat zamanı 7 kiloqram 930 qram narkotik vasitə və 6 000 ədəd psixotrop tərkibli həbin satışının qarşısı alınıb.
Qaradağ rayonu ərazisində keçirilən əməliyyat nəticəsində narkotiklərin qanunsuz dövriyyəsini təşkil etməkdə şübhəli bilinən 35 yaşlı Məhəmməd Quliyev saxlanılıb.
Araşdırmalar göstərib ki:
• Magistral yolun kənarında gizlədilmiş 5 kiloqram 670 qram marixuana və 4 000 ədəd metadon həbi aşkar edilib,
• M.Quliyevin idarə etdiyi “Mercedes” markalı iri tutumlu yük avtomobilində xüsusi hazırlanmış gizli saxlanc yerindən 2 kiloqram 260 qram marixuana və 2 000 ədəd metadon həbi tapılıb.
Məlum olub ki, M.Quliyev narkotikləri **İran İslam Respublikasının Aslandüz şəhəri ərazisində “İkram” adlı şəxsdən əldə edərək Biləsuvar rayonu istiqamətindən qaçaqmalçılıq yolu ilə ölkəyə gətirib.
Həbs olunan M.Quliyevin daxil olduğu narkoşəbəkənin digər üzvlərinin müəyyən edilməsi istiqamətində tədbirlər davam etdirilir.
