USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
DSX İrandan Azərbaycana 20 kq marixuana keçirilməsinin qarşısını alıb
Dövlət Sərhəd Xidmətinin (DSX) "Horadiz", Füzuli rayonunun Qazaxlar, İmişli rayonun Bəhrəmtəpə kəndi yaxınlığında yerləşən sərhəd zastavalarının xidməti ərazisində İrandan Azərbaycana narkotik vasitələrin keçirilməsinin qarşısı alınıb. Bu barədə DSX-nin fevralın 1-də yaydığı məlumatda deyilir.
Belə ki, "Horadiz" sərhəd dəstəsinin əməkdaşları tərəfindən 20 kiloqram 400 qram narkotik vasitənin və 300 ədəd psixotrop tərkibli həbin Azərbauycana keçirilməsinin qarşısı alınıb.
Yanvar ayının 30-u saat 14:10-da Füzuli rayonunun Qazaxlar kəndi yaxınlığında yerləşən sərhəd zastavasının xidməti ərazisində 2 ədəd bağlamada ümumi çəkisi 12 kiloqram 400 qram narkotik vasitə - marixuana ələ keçirilib.
Elə həmin gün saat 21:30-da isə İmişli rayon Bəhrəmtəpə kəndi yaxınlığında yerləşən sərhəd zastavasının xidməti ərazisində ümumi çəkisi 8 kiloqram narkotik vasitə - marixuana və 300 ədəd psixotrop tərkibli "metadon M-40" həbi aşkar olunaraq götürülüb.
Faktlar üzrə əməliyyаt-istintaq tədbirləri dаvаm еtdirilir.
