USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Bakıda təmir sexində “Porsche” avtomobili yanıb
Bakının Nizami rayonunda, Babək prospektində yerləşən avtomobil təmiri sexində yanğın baş verib.
Fövqəladə Hallar Nazirliyinin (FHN) məlumatına görə, “112” qaynar xəttinə daxil olan məlumat əsasında əraziyə Dövlət Yanğından Mühafizə Xidmətinin qüvvələri cəlb olunub.
Hadisə zamanı ümumi sahəsi 450 kv.m olan sexdə təmirə dayanmış “Porsche” markalı minik avtomobilində yanğın yaranıb. Yanğınsöndürənlərin çevik müdaxiləsi nəticəsində alovun digər avtomobillərə və sexin digər hissələrinə yayılmasının qarşısı qısa müddətdə alınıb.
Yanğın nəticəsində avtomobilin yanar konstruksiyaları zərər görüb. Sex və ərazidəki digər avtomobillər yanğından mühafizə olunub.
Hadisənin səbəbləri araşdırılır.
