
İşğaldan azad edilmiş ərazilərdə minatəmizləmə fəaliyyətinə cəlb olunan qurumlar tərəfindən 17–23 noyabr 2025-ci il tarixlərini əhatə edən əməliyyatların nəticələri açıqlanıb.
ANAMA-nın məlumatına görə, Tərtər, Ağdam, Ağdərə, Laçın, Füzuli, Şuşa, Xocalı, Xankəndi, Kəlbəcər, Xocavənd, Cəbrayıl, Qubadlı və Zəngilan rayonlarında, həmçinin Qazaxın işğaldan azad edilmiş Bağanıs Ayrım, Aşağı Əskipara, Xeyrımlı və Qızılhacılı kəndlərində genişmiqyaslı minaaxtarış işləri həyata keçirilib.
Aparılan əməliyyatlar zamanı:
• 199 piyada əleyhinə mina,
• 35 tank əleyhinə mina,
• 2 464 partlamamış hərbi sursat (PHS) aşkarlanaraq zərərsizləşdirilib.
Həftə ərzində ümumilikdə 1 527,4 hektar ərazi mina və digər təhlükəli sursatlardan təmizlənib.
ANAMA bildirir ki, minatəmizləmə işləri azad edilmiş bütün ərazilərdə planlı şəkildə davam etdirilir.