USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
20 gün əvvəl sədr seçilən Kamran Əsədov vəzifəsindən kənarlaşdırılıb
Elm və Təhsil İşçiləri Həmkarlar İttifaqı (ETİHİ) Nərimanov Rayon Komitəsinin sədri Kamran Əsədov vəzifəsindən uzaqlaşdırılıb.
Hazırda sədr vəzifəsinin icrası Renata Mənsurovaya həvalə olunub. Məlumatı ETİHİ-nin Nərimanov Rayon Komitəsi təsdiqləyib.
Qeyd edək ki, Kamran Əsədov bu vəzifəyə 2025-ci il noyabrın 27-də seçilib və noyabrın 28-dən fəaliyyətə başlayıb.
Dekabrın 12-də Kamran Əsədov barəsində cinayət işi açıldığına dair məlumat yayılıb. Bildirilir ki, cinayət işi üzrə ibtidai istintaq artıq başa çatıb və hazırda məhkəmə istintaqı davam edir.
Məlumata görə, Kamran Əsədov tanışı Gündüz Abbasovla birlikdə 2025-ci ildə keçirilmiş qəbul və buraxılış imtahanlarında qanunsuz texniki vasitələrdən istifadə ilə bağlı ittiham olunur. Onlara Azərbaycan Respublikası Cinayət Məcəlləsinin 302.3-cü (gizli informasiya əldə etmək üçün nəzərdə tutulmuş texniki vasitələrin qanunsuz satılması və ya satış məqsədilə əldə edilməsi) və 308.1-ci (vəzifə səlahiyyətlərindən sui-istifadə) maddələri ilə ittiham elan edilib.
