USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Elşad Xose 15 sutka inzibati qaydada həbs edilib
Məşhur reper Elşad Xose (Əliyev Elşad Nazim oğlu) inzibati qaydada həbs edilib.
1979-cu il təvəllüdlü reper İnzibati Xətalar Məcəlləsinin 510-cu (xırda xuliqanlıq) və 535.1-ci (polis əməkdaşının qanuni tələbinə tabe olmama) maddələri ilə təqsirli bilinərək 15 gün müddətinə inzibati həbs cəzası alıb.
Məlumata görə, Elşad Xose Yasamal rayonu, Ş. Qurbanov küçəsində ünvansız və nalayiq ifadələr işlədib. Bu hal hüquq-mühafizə orqanları tərəfindən qeydə alınıb və barəsində inzibati icraat başlanılıb.
Reper həbs qərarından narazı qalaraq Bakı Apellyasiya Məhkəməsinə şikayət verib. Məhkəmədə o, ailəli olduğunu, ictimai xadim kimi tanındığını və müalicə aldığını bildirərək cəzanın yüngülləşdirilməsini xahiş edib.
Lakin Bakı Apellyasiya Məhkəməsi Elşad Xose tərəfindən verilmiş apellyasiya şikayətini təmin etməyib və birinci instansiya məhkəməsinin qərarı qüvvədə saxlanılıb.
