USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
İranda etiraz hərəkatının əsas fiqurları saxlanılıb
İranda davam edən etiraz aksiyalarının əsas iştirakçılarının bir qismi həbs edilib.
AFP agentliyinin məlumatına görə, bu barədə İran Milli Polis Təşkilatının rəisi Əhməd Rza Radan açıqlama verib. O bildirib ki, yanvarın 10-da axşam saatlarında iğtişaşların təşkilində və yönləndirilməsində əsas rol oynayan şəxslərin saxlanılması həyata keçirilib.
“Əsas iştirakçıların həbsi baş tutub. Onlar bütün zəruri hüquqi prosedurlardan keçirildikdən sonra qanun çərçivəsində cəzalandırılacaqlar”, – deyə Radan qeyd edib.
Rəsmi açıqlamada saxlanılan şəxslərin dəqiq sayı və kimliyi açıqlanmayıb.
Xatırladaq ki, İranda etirazlar ötən ilin dekabr ayının sonlarından başlayıb. Aksiyalara milli valyutanın kəskin dəyər itirməsi, inflyasiyanın artması və sosial-iqtisadi vəziyyətin pisləşməsi səbəb olub. Etirazlar qısa müddətdə ölkənin bir sıra şəhərlərinə yayılıb.
