USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Mağazaları talayan dəstənin üzvləri saxlanılıb
Abşeron rayonunda bir neçə mağazaya qarşı törədilmiş silsilə oğurluq hadisələrinin üstü açılıb.
Daxili İşlər Nazirliyinin Mətbuat xidmətindən verilən məlumata görə, naməlum şəxslər Xırdalan şəhərində bir, Masazır qəsəbəsində isə iki mağazanın qapısını sındıraraq içəri daxil olub. Hadisələr zamanı obyektlərdən ümumilikdə 2300 manat nağd pul talanıb.
Polis əməkdaşlarının keçirdikləri əməliyyat-axtarış tədbirləri nəticəsində oğurluqları qabaqcadan əlbir olaraq törətməkdə şübhəli bilinən, əvvəllər dəfələrlə məhkum olunmuş A. Qurbanov, Ü. Şərifov və S. Kərimov müəyyən edilərək saxlanılıblar.
Araşdırmalar zamanı məlum olub ki, saxlanılan şəxslər Gəncə şəhəri ərazisində yerləşən daha iki marketdən də nağd pul, tütün məmulatları və digər məhsullar oğurlayıblar.
Faktlarla bağlı istintaq tədbirləri davam etdirilir.
