USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Bakıda 12 min manata yaxın oğurluq: iki nəfər saxlanıldı
Paytaxtın Binəqədi rayonu ərazisində evlərdən silsilə oğurluqlar qeydə alınıb.
Məlumata görə, naməlum şəxs müxtəlif vaxtlarda rayonun Biləcəri və Sulutəpə qəsəbələrində yerləşən dörd fərdi yaşayış evindən ümumilikdə 6435 manat dəyərində nağd pul, qızıl-zinət və məişət əşyaları oğurlayıb.
Keçirilən əməliyyat-axtarış tədbirləri nəticəsində oğurluq əməllərini törətməkdə şübhəli bilinən, əvvəllər məhkum olunmuş 39 yaşlı X.Rüstəmov müəyyən edilərək saxlanılıb. Araşdırma zamanı onun taladığı vəsaitlə rayon ərazisindəki mağazalardan birində alış-veriş etdiyi də müəyyən olunub.
Bundan başqa, polis əməkdaşlarının keçirdikləri digər tədbirlər nəticəsində rayon ərazisində yerləşən evlərin birindən 6 min manat dəyərində qızıl-zinət əşyaları oğurlamaqda şübhəli bilinən 23 yaşlı İ.Feyzullayev də saxlanılıb.
Faktlarla bağlı araşdırmalar davam etdirilir.
