ABŞ və İsrailin hücumu nəticəsində həlak olduğu bildirilən bir sıra yüksək rütbəli iranlı hərbçilərin adları açıqlanıb.

Bu barədə məlumatı Tasnim News Agency yayıb. Agentliyin yaydığı siyahıya əsasən, ölənlər arasında aşağıdakı şəxslər var:
• General-mayor Məhəmməd Şirazi – Ali Baş Komandanın Ofisinin rəhbəri
• General-mayor Saleh Əsədi – Silahlı Qüvvələrin Baş Qərargahının kəşfiyyat üzrə müavini
• General-mayor, pilot Möhsün Dərəbaği – Silahlı Qüvvələrin təminat və logistika üzrə müavini
• General-mayor Əkbər İbrahimzadə – Ali Baş Komandanın Ofisinin rəhbərinin müavini
• General-mayor Qulamrza Rzaiyan – FARAJA-nın (İranın hüquq-mühafizə orqanları) Kəşfiyyat Təşkilatının rəhbəri
• General-mayor Bəhram Hüseyni Motləq – Baş Qərargahın əməliyyat idarəsinin planlaşdırma və əməliyyat şöbəsinin rəisi
• General-mayor Həsənəli Tacik – Baş Qərargahın təminat idarəsinin rəhbəri

Açıqlamada vurğulanıb ki, İran xalqı “müqavimət mövqeyindən geri çəkilməyəcək” və ölkənin siyasi-dini xətti davam etdiriləcək.

Qeyd edək ki, məlumat İran mənbələrinə istinadən yayılıb və rəsmi Tehran tərəfindən əlavə detallı açıqlama verilməyib. Regionda hərbi və siyasi gərginlik isə artmaqda davam edir.