USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Beynəlxalq axtarışda olan Polad Babayev Azərbaycana ekstradisiya edilib
Azərbaycan Respublikasının Ədliyyə Nazirliyi tərəfindən beynəlxalq axtarışa verilmiş şəxslərin ölkəyə gətirilməsi istiqamətində həyata keçirilən tədbirlər çərçivəsində daha bir ekstradisiya əməliyyatı uğurla başa çatıb.
Məlumata görə, Interpolun Azərbaycan üzrə Milli Mərkəzi Bürosu tərəfindən beynəlxalq axtarışa verilən Azərbaycan vətəndaşı Polad Babayevin yeri Birləşmiş Ərəb Əmirliklərində müəyyən edilib və o, həmin ölkədə saxlanılıb.
İstintaq materiallarına əsasən, Polad Babayev 2022-ci ildən etibarən bir qrup vətəndaşı əlillik təqaüdü təyin etdirmək və ya işlə təmin etmək vədi ilə aldadaraq onların pul vəsaitlərini ələ keçirməkdə ittiham olunur. Ona qarşı Azərbaycan Respublikası Cinayət Məcəlləsinin dələduzluqla bağlı 178.2.1 və 178.2.4-cü maddələri üzrə ittiham irəli sürülüb.
Beynəlxalq hüquqi prosedurların tamamlanması və tərəflər arasında aparılan danışıqlardan sonra onun Azərbaycana təhvil verilməsi barədə razılıq əldə olunub.
Ədliyyə Nazirliyinin Beynəlxalq əməkdaşlıq baş idarəsi və Penitensiar Xidmət əməkdaşlarının müşayiəti ilə Dubay şəhərindən Azərbaycana gətirilən Polad Babayev məhkəmənin qərarı əsasında istintaq təcridxanasına yerləşdirilib.
Ədliyyə Nazirliyi bildirib ki, beynəlxalq axtarışda olan şəxslərin müəyyən edilərək ölkəyə gətirilməsi istiqamətində əməkdaşlıq və hüquqi prosedurlar davam etdirilir.
