USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Bakı–Qəbələ qatarı iyulun 4-dən Ucar stansiyasında da dayanacaq
“Azərbaycan Dəmir Yolları” QSC (ADY) Bakı–Qəbələ–Bakı marşrutu üzrə sərnişin daşımalarında yeniliyə gedib.
ADY-dən verilən məlumata görə, iyulun 4-dən etibarən bu marşrut üzrə hərəkət edən qatarlar hər iki istiqamətdə Ucar stansiyasında da dayanacaq.
Qurumdan bildirilib ki, dəyişiklik sərnişinlərin rahatlığının artırılması və bölgələr arasında nəqliyyat əlçatanlığının genişləndirilməsi məqsədi daşıyır. Bununla da Ucar rayonunun sakinləri və qonaqları Bakı–Qəbələ dəmir yolu marşrutundan daha rahat istifadə edə biləcəklər.
ADY sərnişinlərə qatarların yenilənmiş hərəkət cədvəli ilə öncədən tanış olmağı tövsiyə edib.
“Hərəkət cədvəli ilə rəsmi internet saytımızda və ya ‘ADY Mobile’ tətbiqində tanış ola bilərsiniz”, – məlumatda qeyd olunub.
Qeyd edək ki, son dövrlərdə ADY müxtəlif istiqamətlər üzrə qatar reyslərinin sayının artırılması və marşrutların optimallaşdırılması istiqamətində bir sıra dəyişikliklər həyata keçirir.
