Ötən gecə Novxanı-Sumqayıt yolunda sərxoş halda avtomobili idarə edərək 4 nəfərin ölümünə səbəb olan ağır avtomobil qəzası baş verib.

Foto.info.az qafqazinfo-ya istinadən xəbər verir ki, "Range Rover" markalı 10 CO 002 dövlət nömrə nişanlı avtomobili ilə qəzaya səbəb olan "Qurtuluş 93" yaşayış kompleksinin sahibi Məhərrəm Novruzovun kürəkəni Elşad Kəlbəliyevlə bağlı bəzi məlumatları əldə edilib.

Belə ki, "Qurtuluş 93"də satış müdiri vəzifəsində çalışan E.Kəlbəliyev, "Əlincə" futbol klubunun prezidenti olub. Maraqlıdır ki, 2010-cu ildə yaradılan, ötən il isə fəaliyyətini dayandıran sözügedən klubun təsisçi də Kəlbəliyevin qayınatası, "Bağçalı Evlər" MTK-nın rəhbəri Məhərrəm Novruzov olub.

Qeyd edək ki, E.Kəlbəliyev qəzanı törədən zaman sərxoş olub. O, hadisə ilə bağlı istintaqa cəlb edilərək həbs olunub.