"Məlum olduğu kimi,ölkə rəhbəri İlham Əliyev həmişə təhsil sisteminə və bu sahədə çalışan şəxslərə xüsusi önəm verib. Amma təəssüflər olsun ki, yerlərdə bu diqqətdən sui istifadə edilir.Məsələn,konkret olaraq Gəncə Dövlət Universitetində". Bu barədə DİA.AZ-a göndərilən məqalədə deyilir.

Daha sonra məqalə müəllifi bildirir: "Belə ki,bu yaxınlarda Gəncə Dövlət Universitetinin 80 illik yubileyi ilə bağlı olaraq GDU-nun rektoru Yusif Yusibov özünə yaxın olan,amma bu adlara layiq olmayan şəxslərin adlarını Prezidentə təqdim edərək bu şəxslərə fəxri adların verilməsinə nail oldu. Gəncə Dövlət Universitetində təltif edilən bu şəxslərin əksəriyyəti elmi və pedaqoji səviyyələrinə görə deyil, subyektiv meyarlarla həmin siyahıda yer aldı.Məsələnin üzərinə qayıtmaqda məqsədimiz var.

Koronavirusla bağlı ölkədə dərslərin müvəqqəti dayandırıldığını nəzərə alaraq respublikamızın bütün universitetlərində tədris olunan dərslərin onlayn formada yayımlamasına start verilib.

Onlayn təhsilə qoşulmaq üçün mobil telefon və internet yetərlidir.Maraqlı burasıdır ki,guya yaxşı müəllim olduqlarına görə "əməkdar müəllim" adına layiq görülən,"Tərəqqi" medalı lə təltif olunan, hətta "fəxri professor" adına layiq görülüb universitetdə xüsusi imtiyaz sahibi olan şəxslərin heç biri onlayn dərs keçmir.Bu şəxslərin eləsi var ki,yaşı 65-dən yuxarıdır,çölə çıxa bilmir,amma onlayn dərs keçmək üçün mobil telefon və internet kifayətdir,bu müəllimlər evdən dərs keçə bilər.Çünki,onsuz da əksər müəllimlər Zoom proqramı və ya sosial şəbəkələr üzərindən evdən dərs keçirlər.Amma nədənsə, bu "əməkdar müəllim"lər,"Tərəqqi" medalına layiq görülənlər,layiq olmadığı halda girdirmə "fəxri professor" adına layiq görülənlər, nəinki, dərs keçmir, hətta onları mart ayının 1-dən görən olmayıb.

Nazirlik göstəriş verib ki,bütün dərslər onlayn şəkildə keçilsin və tədris proqramı tələbələrə çatdırılsın.İndi hər bir müəllim verilmiş dərs yükünə uyğun olaraq evdən Zoom proqramı və ya müxtəlif sosial şəbəkələr üzərindən öz dərsini keçir.

Amma bu "əməkdar müəllim"lər,"Tərəqqi" medalına layiq görülmüş müəllimlər,"fəxri professorlar" dərs yükünə sahib olsalar da, dərs keçmir.Bunların tədris materialı tələbələrə çatdırılmır. Bu tələbələr dərsi necə mənimsəməlidir?

Bəli,bu şəxslərin heç biri dərs keçmir,çünki rektor bunlara söz deyə bilmir,idarəetməni itirib.

Bu şəxslərin bir neçəsini xatırladaq:

Aslanova Emma Əli qızı-Şəmkir rayonunun keçmiş icra başçısı Aslan Aslanovun bacısıdır,universitetdə kafedra müdiri vəzifəsini daşısa da dərs auditoriyasında onu görən olmayıb.

Cavadov Asif Şəmil oğlu-vaxtılə qatı müxalifətçi olmuş,keçmiş rektor Yadigar Əliyevi Yusif Yusibovun tapşırığı ilə xidməti otağında təhqir edib,vaxtı ilə rektorun qara kassası adlanan şəxsdir.GDU-da auditoriyada bir saat belə dərs keçməyib,amma əməkdar müəllimdir.

Fətəliyeva Gülsüm İsa qızı-Texnologiya universitetindən qovulan,deputat Musa Urudun baçısı,Kəpəz rayonu İcra Hakimiyyətinin başçısı Eldəniz Xudiyevin qaynanası,hər yerdə yalandan özünü mərhum görkəmli alim Həsən Əliyevin qızı kimi təqdim edən şəxsdir. Bu o Gülsüm Fətəliyevadır ki, Xocalı faciəsinin ildönümünə həsr olunmuş tədbirdə çaşıb deyir ki,Sizin Xocalı bayramınızı təbrik edirəm.Bu sadəcə biabırçılıq idi.Hüşu özündə olmayan,dedikləri sözün mənasını dərk etməyən bu adam prorektor vəzifəsini daşıyır,əməkdar müəllimdir.

Kərimzadə Pərvin Orxan qızı-millət vəkili,GDU-nun innovasiyalar üzrə prorektorudur,ömründə bir dəfə auditoriyaya girib dərs deməyib,amma Yusif Yusibovun kəraməti sayəsində əməkdar müəllimdir.

Quliyev Əliqulu Umud oğlu-savadsız,müxtəlif intriqalarda adı hallanan və öz tələbəsinə sataşdığına görə məsuliyyətə cəlb olunmuş,müxtəlif şəxsləri əzmək üçün Yusif Yusibovun istifadə etdiyi Əzrayıl qılıncıdır.

Məmmədov Fəxrəddin Həsən oğlu-universtetin tədris işləri üzrə prorektoru,keçmiş müxalifətçidir

Yusibov Mübariz İmran oğlu-universitetin sabiq rektoru olmaqla bütün həyatını məddahlıqla keçirən bir şəxsdir.

Həsənov Fəxrəddin Şərif oğlu-rektor Yusif Yusibovun tikinti biznesinin pul üyüdən maşınıdır.Təmir adı altında dekan və şöbə müdirlərindən pulyığma işlərinə başçılıq edir.

Həsənov Vasif İlkan oğlu-test imtahanlarında pul müqabilində istənilən tələbənin imtahan cavablarında düzəliş edən, müxtəlif layihələr adı altında xarici olkələrdə universitetin pullarını sağa-sola səpən bir şəxsdir,nənəsi və qaynanası ermənidir.

Xurşudov Şahin Nadir oğlu-hal-hazırda rektorun qara kassası funksiyasını daşıyır.Rektor vaxtı ilə onun üçün "Pedaqoji təcrübə və işlə təminat" şöbəsi yaratdı.İndi isə iki seçki dalbadal iqtisadiyyat fakültəsinə dekan seçib. Universitetin mini rektorudur.Universitetdə kadr məsələsini və bütün yığılan pullara nəzarət bu şəxsin əli ilə həyata keçirilir.Bu şəxs şəhərdə və müxtəlif rayonlarda çoxlu obyektlərə və daşınmaz əmlaka sahibdir.

Kubışov İlqar Nadir oğlu- bu şəxs rektorun katibəsidir. İnformatika kafedrasının müəllimidir,amma ay toba-toba informatika sözünün mənasını bilirsə...Bu şəxs nə kafedranın yolunu tanımır,nə də bu günə kimi onun auditoriyaya girməsini görən olmayıb.

Novruzov Vaqif Seyfəddin oğlu-bunu universitetdə hamı babnik kimi tanıyır.ADAU-nun rektoru olub,ailə üzvlərinin hamısı GDU-da işləyir,alim adını daşısa da alimlikdən xəbərsiz,Yusif Yusibovun göstərişlərini icra edən,kollektivin başı üzərində duran Demokl qılıncıdır və s....

Bu şəxslərin onlayn dərs keçməsini görən şəxsə Nobel mükafatı düşür.

Bəli,yenə də bütün güc cavan, təcrübəsiz müəllimlərin üzərinə düşür,bu fədakar müəllimlər evdən və ya gedib universitetdən dərs keçirlər.Bəli, rektor heç bir rəsmi icazə almadan pedaqoji heyəti universitetin müxtəlif korpuslarına gətirdirərək onlayn dərs deməyə məcbur edir. Nəticədə, bir aydan artıqdır, GDU ailəsi üçün də məcburi olan xüsusi karantin rejimi ədalı və qorxmaz biri olan Yusif Yusibovun ayaqları altına atılır. Burada rektorun qəbul etdiyi qərarlar Nazirlər Kabinetinin qərarından və ölkə başçısının iradəsindən üstün xarakter alır.

Keçirilən dərslərin keyfiyyəti, fənlər və kurslar üzrə illik tədris proqramlarındakı qarmaqarışıqlıq, universitetdəki qeyri-sağlam pedaqoji mühit əslində ayrıca tənqidin müzakirə mövzusu ola bilər. Tələbələr üçün fənlərin və kursların təsnifatı da əksər halda tələbə-müəllim arasında mübahisələr doğurur. Dərs proseslərində seyirci rəyləri diqqət çəkir, əsasən müəllimlər bir-birinə uğur diləyir,tələbələr ad familiyalarını yazır, layk və gülüş qeydləri atırlar. Bir-birlərini onlayn tamaşada təbrik edən müəllimlərin nəyi və niyə təbrik etmələri başa düşülmür, tələbələrin isə demək olar ki, virtual dərsdə iştirak etməməsi baxış sayı və kütləvi paylaşım məcburiliyində sezilir".

foto.info.az olaraq bütün maraqlı tərəfləri dinləməyə hazırıq...