Redaksiyamızın qonağı Almaniyada yaşayan World SUDO Federation-un prezidenti Dr. Sabir Suleymandır. Bu gün biz tanınmış azərbaycanlı idman ustası ilə bir saat birlikdə olacağıq və ona ən vacib suallarımızı verəcəyik.

Cənab Süleyman, bizə müsahibə verməyə vaxt ayırdığınız üçün təşəkkür edirik.

İcazə verin ilk sualımızı təqdim edək.

Mətbuatda bunun Karate'nin bir hissəsi olduğunu oxumuşam. Sudo necə tərif edilə bilər?

- Sudo Karate, Ciu-Citsu və ya digər tanınmış döyüş növlərinin bir hissəsi deyil. Bu, müstəqil bir idman növüdür. Gördüyünüz kimi, öz xüsusiyyətləri, öz texniki bazası, öz imtahan proqramı və öz yarışları olan çox populyar bir idman növüdür.

Növbəti sualımız Sudo-nun sürətli yayılması ilə bağlıdır. Şayiələr var ki, Sudo-nun sürətlə məşhurlaşmasının səbəbi Almaniyada və dünyada sizin şəxsi, ilhamverici və heyranedici seminarlarınızdır. Bu həqiqətən belədir?

- İlk növbədə qeyd etmək istəyirəm ki, seminarlara tək getmirəm, komandamla gedirəm. Həmişə yanımda olan ilk şəxs vitse-prezident Dekran Demirdir. Oğlum İbrahim həmişə komandamızda mənim assistentim kimi fəaliyyət göstərir. May ayında Wurfen'də keçirilən Martial Arts Day seminarında WSF-nin Almaniya nümayəndəsi Nedeljko Lokhorst komandaya qoşuldu. Birlikdə biz böyük ustalar və döyüş idman veteranları üçün maraqlı bir Sudo seminarı təşkil etdik. Ancaq biz dünyada tək deyilik. Dünyada işini çox yaxşı görən bir çox Sudo ustaları var.

Sudo döyüş sistemi haqqında nə deyə bilərsiniz?

- Sudo yarışması üç mərhələli döyüş sistemindən ibarətdir:

1-ci Raund: Döyüş. Döyüş zamanı başa əllə vurmaq qadağandır.
2-ci Raund: Diz üstə güləş.
3-cü Raund: Döyüş və güləşin birləşməsi.


Sudo-nun hansı üstünlüklərini qeyd edə bilərsiniz?

- Sudo küçə döyüşlərinə, özünümüdafiəyə və ümumi sağlamlığa müsbət təsir göstərir. Məsələn, Sudo yarışmasında qalib gəlmək idmançıya şirin bir qələbə və ustalıq hissi verir. Bir anlıq təsəvvür edin ki, çempion həm döyüşdə, həm diz üstə güləşdə və həmçinin də qarışıq mübarizədə layiqincə çempion olur.

Başqa döyüş idman növlərində bir çox təşkilat və federasiyalar var. Sudo-da rəsmi təşkilat hansıdır?

- World Sudo Federation, Sudo üzrə rəsmi tədbirlər təşkil edən və müvafiq sənədləri (məsələn, Sudo pasportları, diplomlar, sertifikatlar) verən yeganə dünya miqyaslı beynəlxalq təşkilatdır. Bu ildən etibarən bütün beynəlxalq Sudo nümayəndələri World Sudo Federation üzvlüyünü qəbul etməlidirlər, çünki əvvəlki qanun qüvvədən düşür.

Paderborn Sudo Məktəbi mərkəzi məktəbdir. Bu məktəb Qərbi Avropanın ən böyük məktəbidir. Burada yüzlərlə şəhər sakini Sudonun sirlərini öyrənir. Kvalifikasiyalarını artırmaq üçün məşqçilər də Paderborna gəlirlər. Təlimçilərin seçilməsi üçün 2016-cı ildə WSA e.V. yaradılmışdır. WSA e.V.-nin peşəkar üzvləri bunu edirlər. Biz məhz burda Sudo dərslərimizi keçirik.

Gələcək üçün məqsədləriniz haqqında danışa bilərsinizmi, əgər bu sirr deyilsə?

- Artıq bildiyiniz kimi, biz bu ilin noyabr ayının sonunda Almaniyanın Paderborn şəhərində on üçüncü dünya çempionatını təşkil etməyi planlaşdırırıq. Yarış başlamazdan altı ay əvvəl biz artıq bu böyük tədbirə hazırlaşırıq. Təşkilatın ən yüksək məqsədi Olimpiya Oyunlarına kvalifikasiya olmaqdır. 2025-ci ilin sonuna qədər World Sudo Federation 150 üzvə çatmağı və Olimpiya Oyunlarına namizədliyini irəli sürməyi hədəfləyir. Məqsəd, Sudo idmançılarının 2032-ci ildə Avstraliyada Olimpiya Oyunlarında iştirak edə bilməsidir.

Fürsətdən istifadə edib bizə zaman ayıraraq suallarımıza ətraflı cavab verdiyiniz üçün təşəkkür edirik.

-Mən sizə təşəkkür edirəm. İşlərinizdə uğurlar arzulayıram.

Müsahibəni Alman dilində oxuyun