USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Nürnberqdə azərbaycanlı mühacirlərdən etiraz aksiyası
Almaniyada yaşayan azərbaycanlı mühacirlərin yaratdığı Demokratik Azərbaycanı Seç (DAS) təşkilatı noyabrın 27-də Nürnberq şəhərində, Miqrasiya və Qaçqınlar üzrə Federal İdarəsinin (BAMF) qarşısında etiraz aksiyası keçirib.
Aksiyanın əsas məqsədi Azərbaycanda insan hüquqlarının pozulmasına diqqət çəkmək, xüsusilə jurnalistlərin və siyasi fəalların həbslərinə, söz və media azadlığının məhdudlaşdırılmasına qarşı beynəlxalq ictimaiyyətin daha sərt mövqe ortaya qoymasına nail olmaq olub.
Aksiya iştirakçıları siyasi məhbuslara azadlıq, ölkədə azad medianın bərpası və demokratik dəyərlərə hörmət çağırışları səsləndiriblər. DAS nümayəndələri çıxışlarında Azərbaycandakı vəziyyətin avtoritar idarəçiliyin göstəricisi olduğunu vurğulayaraq, beynəlxalq təşkilatları və Almaniya dövlət qurumlarını bu məsələyə biganə qalmamağa səsləyiblər.
Tədbirin sonunda mitinq iştirakçıları tərəfindən imzalanmış müraciət rəsmi qaydada BAMF-a təqdim edilib. Sənədin digər nüsxələri isə Almaniyanın əlaqədar dövlət qurumlarına və Beynəlxalq İnsan Hüquqları Təşkilatlarına göndərilib.
DAS nümayəndələri bildiriblər ki, bu kimi aksiyalar Azərbaycanın daxilində susdurulan səsləri dünyaya çatdırmaq və beynəlxalq həmrəylik yaratmaq məqsədi daşıyır.
Vəli Şükürov
