USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Gültəkin Hacıbəyli Türkiyədə saxlanılıb və deportasiya proseduruna cəlb edilib
Sabiq millət vəkili, Milli Şuranın üzvü Gültəkin Hacıbəylinin Türkiyədə saxlanıldığı və Azərbaycana deportasiya olunacağı barədə məlumat yayılıb.
Bu barədə ilk məlumatı AXCP sədrinin müavini Fuad Qəhrəmanlı sosial şəbəkə hesabında paylaşıb. Onun sözlərinə görə, Hacıbəyli bu gün səhər saatlarında Arnavutköy deportasiya məntəqəsinə aparılıb.
Gültəkin Hacıbəylinin özü də saxlanıldığını təsdiqləyib
Gültəkin Hacıbəyli sosial şəbəkədə yazaraq bildirib ki, İstanbulda yaşadığı kirayə evə polis gəlib və o, polis idarəsinə aparılıb:
“İndicə oğlumla birlikdə İstanbulda kirayədə yaşadığım evin qapısını döydülər. Polisdən gəliblər, məni həbsxanaya aparırlar. Heç bir səbəb yoxdur. Türkiyəyə 25 sentyabrda gəlmişəm, 3 aylıq vizamın müddəti bitməyib, üstəlik iki illik oturma iznim var.”
Onun sözlərinə görə, hazırda Azərbaycana deportasiya olunma ehtimalı yüksəkdir.
Qeyd edək ki, son günlər ölkədə bir sıra siyasi şəxslərə qarşı dindirmə və saxlanmalar aparılır. AXCP sədri Əli Kərimli və partiyanın Rəyasət Heyətinin üzvü Məmməd İbrahim hazırda Prezident Administrasiyasının sabiq rəhbəri Ramiz Mehdiyevlə bağlı cinayət işi çərçivəsində dindirilirlər.
