USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
GÜLTƏKİN HACIBƏYLİ TÜRKİYƏDƏ SAXLANILIB – ÖZÜ MƏLUMAT YAYIB
Keçmiş millət vəkili, Milli Şuranın üzvü Gültəkin Hacıbəyli Türkiyədə saxlanıldığını açıqlayıb. O, bu barədə məlumatı şəxsi Facebook səhifəsində paylaşıb.
Hacıbəylinin sözlərinə görə, İstanbulda kirayə yaşadığı evin qapısını polis döyüb və onu oğluyla birlikdə polis idarəsinə aparıblar. O bildirib ki, saxlanılmasına dair ona hər hansı səbəb təqdim olunmayıb:
“İndicə oğlumla birlikdə İstanbulda kirayədə yaşadığım evin qapısını döydülər, əmniyyətdən gəliblər, məni karakola aparırlar. Heç bir səbəb yoxdur. Türkiyəyə 25 sentyabrda gəlmişəm, 3 aylıq müddətim bitməyib, üstəlik iki illik oturma iznim var.”
Gültəkin Hacıbəyli iddia edib ki, onun deportasiyası Azərbaycan hakimiyyətinin sifarişi əsasında həyata keçirilir:
“Azərbaycan hökumətinin sifarişi ilə çox güman ki, Türkiyədən deportasiya olunacağam.”
O həmçinin qeyd edib ki, sabah IELTS imtahanı olduğunu polislərə bildirsə də, buna baxmayaraq, ona imkan verilməyib.
Keçmiş deputat paylaşımında Ramiz Mehdiyevin adını çəkərək, baş verənləri onunla bağlılıqlandırıb və özünə qarşı “şər kampaniyasının” aparıldığını bildirib.
Türkiyə rəsmilərinin məsələ ilə bağlı açıqlaması hələlik yoxdur.
