USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Hafiz Babalı səhhətində ciddi problemlər yarandığını deyir
Həbsdə olan araşdırmaçı jurnalist Hafiz Babalı səhhətində kəskin pisləşmə olduğunu bildirir.
Dekabrın 4-də jurnalistin Facebook səhifəsində yayımlanan məlumatda qeyd edilir ki, onun ayağında göyərmə, qızartı və açıq yaralar yaranıb. Babalının sözlərinə görə, cəzaçəkmə müəssisəsinin həkimi də vəziyyətin ciddi olduğunu təsdiqləyib və təcili tibbi müdaxiləyə ehtiyac olduğunu bildirib.
Hafiz Babalı 2023-cü ilin dekabrında “Abzas Media işi” çərçivəsində həbs olunub. 2024-cü il iyunun 20-də Bakı Ağır Cinayətlər Məhkəməsinin hökmü ilə o, “Abzas Media”nın direktoru Ülvi Həsənli, baş redaktor Sevinc Vaqifqızı və digər jurnalistlərlə birlikdə 9 il müddətinə azadlıqdan məhrum edilib.
İttihamlar arasında qaçaqmalçılıq da daxil olmaqla bir neçə maddə göstərilir. Lakin həm Hafiz Babalı, həm də digər məhkum jurnalistlər ittihamları rədd edərək həbslərinin peşə fəaliyyətləri ilə bağlı olduğunu bildiriblər.
Jurnalistin ailəsi və həmkarları onun sağlamlıq vəziyyəti ilə bağlı narahat olduqlarını bildirir.
