USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Bloger Murad Quliyev 6 il azadlıqdan məhrum edildi
Yanvarın 26-da Bakı Ağır Cinayətlər Məhkəməsində xaricdə yaşayan bloger Murad Quliyev barəsində açılmış cinayət işi üzrə yekun məhkəmə prosesi keçirilib. Prosesə hakim Mahirə Kərimova sədrlik edib.
Məhkəmənin qərarı ilə Murad Quliyev barəsində qiyabi hökm elan olunub. Hökmə əsasən, bloger 6 il müddətinə azadlıqdan məhrum etmə cəzasına məhkum edilib.
Murad Quliyev Cinayət Məcəlləsinin 281.1-ci maddəsi — hakimiyyətin zorla ələ keçirilməsi maddəsi ilə ittiham olunub.
Xaricdə yaşayan blogerlərlə bağlı qiyabi hökmlər
Son illər Azərbaycanda xaricdə yaşayan bir sıra bloger və ictimai fəallara qarşı cinayət işləri açılıb, onların barəsində qiyabi həbs və azadlıqdan məhrumetmə hökmləri çıxarılıb. Rəsmi ittihamlarda əsasən:
• hakimiyyət nümayəndəsinin qanuni tələblərinə tabe olmama,
• kütləvi iğtişaşlara və zorakılığa çağırış,
• terrorçuluğa çağırış,
• silahlı qiyam,
• dələduzluq
kimi maddələr yer alır.
Digər blogerlərlə bağlı hökmlər
Qeyd edək ki, 2025-ci il dekabrın 26-da Bakı məhkəməsində xaricdə yaşayan bir qrup bloger barəsində də hökm elan edilib. Həmin hökmə əsasən:
• Qurban Məmmədov və Tural Sadıqlı — 14 il,
• Süleyman Süleymanlı, Orduxan Teymurxan, Orxan Ağayev, Rəfael Piriyev və Elşad Məmmədov — 9 il müddətinə azadlıqdan məhrum ediliblər.
Təqsirləndirilən şəxslər isə irəli sürülən ittihamları siyasi motivli hesab edərək qəbul etmədiklərini bildiriblər.
