İslamabad/Dehli, 10 may — Pakistan silahlı qüvvələri bu gecə Hindistana qarşı genişmiqyaslı hərbi əməliyyatlara başlayıb. Pakistan Müdafiə Nazirliyinin yaydığı rəsmi məlumata görə, hücum çərçivəsində Hindistanın bir sıra strateji obyektləri hədəf alınıb.

Əldə edilən ilkin məlumatlara əsasən, Hindistanın şimalındakı elektrik şəbəkəsinin təxminən 70%-i sıradan çıxarılıb. Bu, bölgədə ciddi enerji böhranına və rabitə fasilələrinə səbəb olub.

Əməliyyatlar zamanı həmçinin Birnala qəsəbəsində yerləşən hərbi aerodrom tamamilə məhv edilib. Bununla yanaşı, Hindistanın üç nəzarət-buraxılış məntəqəsinin də dağıdıldığı bildirilib.

Pakistan hərbi qurumunun yaydığı bəyanatda qeyd olunur:
“Pakistana qarşı istifadə edilən bütün aviabazalara eyni vaxtda hücum edilir. Gözə göz, dişə diş.”

Hazırda əməliyyatların aktiv fazası davam edir. Hər iki ölkənin sərhəd bölgələrində gərginlik pik həddə çatıb. Rəsmi Hindistan hələlik hadisəyə münasibət bildirməyib.

Bu, son illərdə Cənubi Asiyada baş verən ən ciddi hərbi toqquşma kimi qiymətləndirilir. Beynəlxalq ictimaiyyətin və xüsusilə BMT-nin yaxın saatlarda hadisəyə reaksiya verəcəyi gözlənilir.

Daha ətraflı məlumatlar dəqiqləşdirildikcə yenilənəcək.