USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Maduronun işi üzrə ilk dinləmənin vaxtı açıqlandı
Venesuela prezidenti Nikolas Maduronun işi üzrə ilk məhkəmə dinləməsinin vaxtı məlum olub.
Rəsmi mənbələrin məlumatına görə, işə Manhetten Federal Məhkəməsində baxılacaq və ilk dinləmənin bazar ertəsi keçirilməsi gözlənilir.
ABŞ Ədliyyə Nazirliyinin yaydığı ittihamnamədə Nikolas Maduro genişmiqyaslı narkotik qaçaqmalçılığı əməliyyatları ilə dəstəklənən “korrupsiyalaşmış və qanunsuz hökumətin” idarə edilməsində ittiham olunur. Sənəddə bildirilir ki, bu fəaliyyət nəticəsində ABŞ ərazisinə minlərlə ton kokain daşınıb.
Məlumata əsasən, Nikolas Maduro və həyat yoldaşı Siliya Floresi gətirən təyyarə şənbə günü axşam saatlarında Nyu-Yorka enib. Maduro ABŞ Narkotiklərlə Mübarizə İdarəsinin (DEA) ofisinə aparılıb və hazırda Nyu-York şəhərində yerləşən istintaq təcridxanasında saxlanıldığı ehtimal olunur.
Bu arada, Nyu-Yorkda yaşayan venesuelalı immiqrantların Maduronun və həyat yoldaşının saxlanılmasını sevinclə qarşıladığı bildirilir.
