USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Maduro ABŞ-a qarşı sahillərə 25 minlik qoşun yerləşdirir
Venesuela prezidenti Nikolas Maduro ölkənin Kolumbiya ilə sərhəd bölgələrində, həmçinin Atlantik və Karib dənizi sahillərində hərbi mövcudluğu gücləndirmək tapşırığı verib. Prezidentin Teleqram kanalında yayılan bəyanata görə, bu çərçivədə 25 min hərbçi yerləşdiriləcək.
Maduro bildirib ki, səfərbərliyin əsas məqsədi “milli suverenliyi və ölkənin təhlükəsizliyini qorumaqdır”.
ABŞ və Venesuela arasında gərginlik sentyabrın əvvəlindən artmaqdadır. Sentyabrın 3-də ABŞ prezidenti narkotik alveri ilə məşğul olmaqda ittiham edilən Venesuelanın “Tren de Araqua” qrupuna qarşı sanksiyalar elan edib. Maduro isə Vaşinqtonu “təbii sərvətləri ələ keçirmək üçün saxta bəhanə ilə Venesuelaya qarşı təxribat” aparmaqda ittiham edib.
