Bu gün Bakı Ağır Cinayətlər Məhkəməsinin hakimi Azər Paşayevin ‎sədrliyi ilə keçirilən prosesdə Dövlət ittihamçısı İmişli Rayon İcra ‎Hakimiyyətinin həbsdə olan sabiq başçısı Vilyam Hacıyevin 13 il ‎azadlıqdan mərhum edilməsini istəyib.‎

Bundan başqa, prokuror V. Hacıyevin 6 milyon 300 min manatlıq əmlak ‎və pulunun müsadirə olunmasını istəyib.‎
İş üzrə növbəti məhkəmə prosesi iyulun 8-nə təyin olunub.‎

Qeyd edək ki, 2020-ci il mayın 5-də məhkəmənin qərarı əsasında ‎Dövlət Təhlükəsizliyi Xidməti tərəfindən V.Hacıyevin xidməti və ‎yaşadığı ünvanlarda əməliyyat-istintaq tədbirləri həyata keçirilib. Daha ‎sonra o, həbs edilib.‎

İstintaq orqanı tərəfindən V.Hacıyevin barəsində Cinayət Məcəlləsinin ‎‎179.3.2-ci (külli miqdarda mənimsəmə və ya isriaf etmə, 308.1-ci ‎‎(vəzifə səlahiyyətlərindən sui-istifadə, yəni vəzifəli şəxsin xidməti ‎vəzifələrinin icrası ilə əlaqədar özü və ya üçüncü şəxslər üçün ‎qanunsuz üstünlük əldə etmək məqsədilə öz qulluq səlahiyyətlərindən ‎qulluq mənafeyinə qəsdən zidd olaraq istifadə etməsi və ya qulluq ‎mənafeyi tələb etdiyi halda istifadə etməməsi fiziki və ya hüquqi ‎şəxslərin hüquqlarına və qanuni mənafelərinə, yaxud cəmiyyətin və ya ‎dövlətin qanunla qorunan mənafelərinə mühüm zərər vurduqda), ‎‎311.3.3-cü (rüşvət alma (passiv rüşvətxorluq), külli miqdarda ‎törədildikdə) və 313-cü (vəzifə saxtakarlığı) maddələri ilə ittiham elan ‎olunub.‎