DİN şəhərdə siçan geyimində maskot fəaliyyəti göstərən şəxsin cərimələnməsi barədə açıqlama yayıb ki, küçədə ödəniş müqabilində lisenziyalaşdırılmayan fəaliyyət qanunsuz olduğuna görə polislər “siçan”ı cərimələyiblər.

Amma DİN-ə hətta səs yazıları və faktlar göndərsəm də, küçələrdə pulsuz parkinq yerlərində dayanaraq pul yığan adamların polis rəislərinə “haqq” verməkləri məsələsini araşdırmadılar, susdular. Bəlkə DİN polis rəislərinə gündəlik 50-80-100 manat “haqq” ödəməyi lisenziyalaşdırma sayır?

“Siçan” gündəlik olaraq hansısa polis rəisinə 50 manat versəydi, cərimələnərdi yenə?

Bu yüksək vəzifəli şəxslərin boğaza qədər cinayətə batdığı halda birinin şəhid ailəsi qardaşına, digərinin siçan geyimində maskotluq edərək övladlarına çörəkpulu aparanlara qanun xırdalamaqları adamın ürəyini bulandırır. Ölkədə kasıb, kimsəsiz adamlara qarşı tətbiq etdiyiniz qanunları özünüzə qarşı tətbiq etsəydiniz, kollektiv olaraq ömürlük həbsdə olmalı idiniz.

Bəxtiyar Hacıyev