USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Bu gün "Qarabağ FK" UEFA Avropa Liqasının G qrupunda VI tura çıxacaq
Qarabağ" bu gün UEFA Avropa Liqasının qrup mərhələsində sonuncu oyununu keçirəcək. Qurban Qurbanovun komandası G qrupunun VI turunda Almaniyanın "Frayburq" klubunu qəbul edəcək.
Tofiq Bəhramov adına Respublika stadionunda keçiriləcək matçı Aleksey Kulbakovun başçılıq etdiyi belaruslu hakimlər briqadası idarə edəcək.
"Köhlən atlar"da Filip Ozobiç zədə səbəbindən görüşü buraxacaq. Qara Qarayevin qarşılaşmada iştirakı sual altındadır. Qonaqlarda da zədəli futbolçular var. Manuel Qulde, Merlin Röl və Jonatan Şmid zədə səbəbindən Bakıya gəlməyiblər.
Qrupun digər oyununda "Olimpiakos" Yunanıstanda Fransa "Nant"ını qəbul edəcək. Hazırda 7 xalla ikinci sırada qərarlaşan Azərbaycan təmsilçisi qələbə qazanacağı təqdirdə digər matçın nəticəsindən asılı olmayaraq pley-offa yüksələcək.
Hazırda G qrupuna 13 xala malik "Frayburq" liderlik edir. "Qarabağ"la "Nant"ın 6 xalı var.
