Cümə günü Bayden Administrasiyası pilotsuz təyyarələrin istehsalına cavabdeh olan 8 iranlı məmura qarşı sanksiyalar tətbiq edib. Bu barədə Turan-ın Vaşinqton müxbiri bildirib.

Əsasən onlar Paravar Pars şirkətinin rəhbərləridir: Hüseyin Şəmsabadi, Əli Reza Tanqsiri, Əbülfəzl Nazeri, Mohsen Əsədi, Məhəmməd Sadeq Heydəri Musa, Əbülfəzl Salehnejad və Məhəmməd Reza Məhəmmədi.

ABŞ-da olan şirkətlərin fiziki və hüquqi şəxslərinin bütün mülkiyyətinə sanksiyalar tətbiq edilib, ABŞ-a və ya ABŞ vasitəsilə hər hansı pul köçürməsi qadağan edilib.

Həmçinin Vaşinqton iki İran gəmisinə qarşı tədbir görüb. Bu, IRIS MAKRAN neft tankeridir, tanker dəniz əməliyyatları üçün yönləndirilib və pilotsuz təyyarələri buraxa bilər, digəri isə IRIS DENA hərbi-dəniz freqatıdır.

İran Ukraynadakı mühüm infrastruktura zərbə endirilməsi üçün Rusiyaya pilotsuz təyyarələr göndərir. ABŞ Rusiyaya İran pilotsuz təyyarələrinin verilməsinin qarşısını almaq və bunu edənləri cəzalandırmaq üçün bütün tədbirlərdən istifadə edir, dövlət katibi Entoni Blinken bildirib.