USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Siyasi məhbuslar təcili şəkildə qeyri-şərtsiz azad olunmalıdır
Bəxtiyar Hacıyevin həyatına real təhlükə var. Bəxtiyar bəy aclıq aksiyasının 28-ci günündədir. Hər an komaya düşə bilər. Rejim bu mənasız tərslikdən əl çəkməli, Bəxtiyar bəyi dərhal azad etməlidir.
Ancaq təəssüf ki, polis rejimi hələ ki, dayanmaq bilmir. Bu gün də fotoqraf, ictimai fəal Vəli Şükürov şərlənərək 30 sutka müddətinə inzibati qaydada həbs olundu. Vəli bəy son 2 həftədə inzibati qaydada 30 sutka müddətinə həbs olunmuş 11-ci ictimai - siyasi fəaldır (Vəli bəydən əvvəl həbs olunmuş 10 nəfər müxalifət fəalları idi).
Rejim xalqımızın susqunluğundan öz aləmində maksimum istifadə edib, ölkənin demokratik qüvvələrinə ardıcıl zərbələr endirir. Ancaq anlamırlar ki, bütün etdikləri pis əməllər bir gün bumeranq effektilə özlərini də vuracaq. O zaman peşiman olmaq heç nəyi dəyişməyəcək. İndi dayanmaq lazımdır.
