Paşa holdinq Daşkənddə 5 ulduzlu otel tikəcək. Layihənin dəyəri 200 milyon dollardır. Otel Ritz-Carlton brendi ilə tikilir, hündürlüyü 200 metr olacaq, Özbəkistanın və Mərkəzi Asiyanın ən hündür qurğusu olacaq, İnşallah.

Bu otelin tikilməsi ilə bağlı ilk danışıqlar hələ 2018- ci ildə başlamışdı. Otel üçün elə o zaman da indi tikildiyi yer ayrılmışdı. Bu “Daşkənd Siti” adlı ticarət mərkəzinin 1,5 hektarləq ərazisidir.

O zaman bu söhbət yarıda qaldı. Hər halda, belə görünür ki, hakimiyyətə yeni gəlmiş prezident Şövkət Mirziyayev bu proyektə o qədər də ilıq yanaşmadı. Ya da qarışlıqlı şərtləri sona qədər razılaşdıra bilmədilər.

Ötən ilin iyul ayında Paşa Holdinqin baş direktoru Cəlal Qasımov qalxıb yerindən durdu və Daşkəndə getdi, Özbəkistanın İnvestisiya və Ticarət naziri Ləziz Qüdrətovla görüşüb bu yatmış əjdahanı diriltdi.

2023- cü ilin noyabrında İlham Əliyev Özbəkistana rəsmi səfərə gedəndə Özbəkistan prezidentini əmin etdi ki, Paşa holdinq onun ailəsinə məxsusdur və onun Özbəkistan layihələrinə də tam dövlət zəmanəti verir.
Və razılaşdılar!

Bu zamana qədər Əliyev ailəsinin Özbəkistanda qızıl məmulatlarının satışı şəbəkəsi vardı, bəlkə başqa sektorlara da müdaxilə etmişdilər, deyə bilmərəm.
Prezident aonuncu dəfə and içəndə ”Bizim ailəmiz Türk dünyasıdır” demişdi və çox adam da buna haqsızcasına şəbədə qoşmuşdu. Bu da sizə maddi sübut!