USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
70 kq qızılla saxlanıldığı deyilən hərbi attaşenin işini DTX araşdırır
Bakı Hərbi Məhkəməsinin qərarı ilə Türkiyədə 70 kq qızılla saxlanıldığı bildirilən keçmiş hərbi attaşe Qəhrəman Məmmədov barəsində 4 aylıq həbs-qətimkan tədbiri seçilib.
Report-un məlumatına görə, Qəhrəman Məmmədovla bağlı açılan cinayət işi Dövlət Təhlükəsizliyi Xidmətində araşdırılır. O, Cinayət Məcəlləsinin 12.1, 206.3.2, 206.3.3 (ölkə hüdudlarından kənarda qaçaqmalçılıq) və 341.1-ci (vəzifə səlahiyyətlərindən sui-istifadə və ya vəzifə səlahiyyətlərini aşma) maddələri ilə ittiham olunur.
Q.Məmmədovun əvvəllər Müdafiə Nazirliyinə tabe olan müxtəlif vəzifələrdə işlədiyi və son olaraq Azərbaycanın Səudiyyə Ərəbistanındakı Səfirliyində hərbi attaşe kimi fəaliyyət göstərdiyi deyilir.
Ötən həftəsonu Türkiyə mətbuatı İstanbulda polisin Azərbaycan vətəndaşının üzərindən 70 kiloqram qızıl aşkarlandığı barədə xəbər yaymışdı.
